BENEATH KARACHI VIOLENCE

For more than two decades JITs are bringing Paharis, Commandos, and Motas on the TV screen, but analysts outside Karachi fail to understand why the fascist party is not losing its grip on the metropolitan city, despite heavy presence of rangers. Many of them consider that MQM does not enjoy much support in the city and elections only reflect the muscles not popularity.

For true understanding, one needs to look into the power struggle for this unique city and the insecurities of its inhabitants, who on the first place gave birth to this party. The current state structure does not allow elected representatives of Karachi to have any say on its matters. Having a say in federal government requires considerable seats from Punjab and for provincial government considerable seats are required from Rural Sindh. Also there exists an unwritten agreement under which Chief Minister of Sindh could only be ethnic Sindhi.

Beside this arithmetic one also needs to bring into equation the variable of law enforcement agencies (LEAs) in Karachi. Rangers were deployed here in mid 80s and since then, like MQM, they are integral part of power struggle within this city. Their stakes could be gauged by visiting University of Karachi alone, of which considerable land is occupied by this elite force. Even a conservative estimate suggests that more than 50% land of Karachi is cantonment or semi-cantonment area. According to few reports ex-servicemen are also involved in security and recovery businesses.

After 1972 Urdu-Sindhi riots these migrants from India started developing alienation with the state esp. Sindh Government, but the wave of violence during Afghan migration in 1980s gave birth to a party that was more about securing the Urdu speaking neighborhoods than to run for elections. In words of Nichola Khan "MQM offered security and protection, including from Karachi's highly politicized, corrupt and violent police force; militants gained power, respect and a perverse route to social and economic advancement when conventional routes seemed corrupted and blocked."

The militancy and street power of MQM constitutes a semi-state like structure for Mohajirs within Pakistani state, with sector and unit offices at Mohalla levels looking after the needs, from water lines to security. It is sad but true that people of Karachi trust sector-offices more than the police stations and government offices, as the state institutions are mostly run by the officials who are not natives of the city. The party fund collected, forcefully or by will, also works like a taxation structure.

Media reports of recovery of Jinnahpur maps in 1990s and recent confiscation of NATO weapons by the Rangers have not stopped Urdu speaking population to visit Nine Zero for resolution of their problems. It remains a more reliable institution than the Sindh secretariat for the majority of population residing in Urban Sindh. Duties are assigned to all elected members of the party so that the de facto urban Sindh secretariat have public office holders available for the public. Altaf Husain is surely not running a political party but a parallel structure for the urban Sindhis.

Despite such strength, this state like organization operates under constant pressure, as stakes of many players and communities are associated with this city. Party has a history of clashes with almost every major ethnic group as well as powerful military establishment. Its habit of raising Mohajir province slogan, whenever its relations with PPP hit low, has resulted in hatred between ethnic Sindhis and Urdu speaking populace of Sindh.

On the other hand the powerful state institutions fear that there are also separatist tendencies within the party, and even if not, strong connections outside Pakistan and the militant and street power makes it difficult to dictate them. This fear has not only lead to multiple operations against the party but often militant groups from other communities and parties are supported to counterbalance MQM.

As MQM handles the situation in a state like manner, coercively dealing with these communities and groups, it fails to find any support outside Urdu speaking Sindhis. MQM has often tried to broaden its base, even changing its name from Mohajir to Muttahida, but their retreat to Mohajir shell, whenever they face the heat, restricted them while violent clashes with other communities isolated them.

Karachi did enjoy a brief period of peace during the Musharraf period, as severed relations with PPP and PML-N, the two largest parties of Pakistan, forced military government to end its animosity with the MQM. With strong Governor as well as major ministries at provincial and federal level, and effective local government, neither MQM nor Urdu speaking populace needed out-of-state structure of sector offices for their needs. UC offices were there to perform those functions and interior minister of MQM insured that police remains subservient to the elected representatives of the city.

As soon as Musharraf left, and PPP and PML-N returned to political scene, elected representatives of Karachi lost all those privileges. Local Government elections did not take place once the term completed, Interior and other important ministries resided with the PPP who won the majority seats from the Rural Sindh, and soon violence returned to Karachi with new turf wars, where Peoples Aman Committee associated with Lyari Gang War and ANP were on one side and MQM on the other.

Zulfiqar Mirza's aggressive policies against MQM, despite PPP's willingness to work with Urban Sindh party suggests that establishment wanted to take back control of Karachi. With limited influence in federal and provincial governments and absence of local bodies, only strong state like structure of MQM is the hindrance in front of the powerful establishment. After 2013 elections PTI emerged as popular party that could be pitched against MQM.

Recent raid on Nine Zero, and constant state narrative against MQM coincided with PTI's onslaught is clearly a planned attack on former allies of Musharraf. Whether the aim is to clip the wings of Altaf's party or to completely eliminate them but the strategy would not result in ending violence. Crushing a political party does not crush the complex insecurities beneath Karachi violence.

Only a progressive alternate could achieve peace in Karachi, because crushing the violence require addressing the deep insecurities not only within Mohajirs but all the ethnic groups residing in Sindh.

@AliMantiq

ریاستی مسخرے

پاکستان ایک ایسا عجیب و غریب ملک ہے جہاں متضاد نظریات آسانی سے شادی کر لیتے ہیں۔ فیصل رضا عابدی کے ’جمہوری مارشلا‘ کی اصطلاح سے تو ہم سب واقف ہیں مگر حالیہ دنوں سول سوسائٹی کی تحریک کے بعد میں یہ باآسانی کہہ سکتا ہوں کہ پاکستان میں ایسی سوچ بھی موجود ہے جسے آپ ’اسلامی سیکولرازم‘ کہہ سکتے ہیں۔ منہ پر جو دل چاہے کہتے رہیں مگر قریب ہر لبرل کے پیٹ میں داڑھی کے کچھ نہ کچھ بال تو ضرور موجود ہیں۔ مسجدوں پردوبارہ اپنا حق حاصل کرنے والوں سے پوچھا جائے کہ اس کے بعدآپ مساجد میں ڈارون کی تھیری پڑھائیں گے کیا؟اچھا اسلام برا اسلام۔۔۔ میرا اسلام تیرا اسلام کی بحث کرنے کے لئے زید حامد اور باقی کم تھے کہ لبرل بھی اس ہی گھنچکر میں پڑ گئے۔آپ ایک آیت امن کی لے آئیں گے تو ملا کئی مکمل جنگوں کے حوالے پیش کر دیں گے۔

ایسا لگتا ہے جیسے مولوی عبدالعزیز اس سے پہلے تو دہشت گردوں پر لعنت بھیجتا رہاہوبس یہ پہلی بار ہے جو اس نے ان کے خلاف بولنے سے انکار کر دیا ہو۔ ریاستی ڈھانچہ اور اس میں کام کرنے والے اداروں کی پالسیوں کو نظرانداز کر کے ہم مولوی عبدالعزیز کے پیچھے ایسے لگ گئے جیسے اس کو حکومت ہٹا ہی دے گی اور اس کے بعد لال مسجد میں کوئی مولوی عبدالعجیب امام نہیں بنے گا بلکہ لال مسجد سرخوں کا ڈیرہ بن جائے گی جہاں ڈاکٹر ہودبائی امامت کے فرائض انجام دیں گے۔ ویسے اگر ایسا ہو بھی گیا تو کچھ ہی عرصہ میں امام ہودبائی صاحب آیت الکرسی سے چلنے والی گاڑی کے حق میں دلائل دیتے نظر آئیں گے کیونکہ اگر ریاستی اور سماجی ڈھانچہ کو بدلے بغیر صرف شخصیات بدلی جائیں تو شخصیات ہی بدل جاتی ہیں ادارے نہیں۔ مگر جو لبرل بھٹو صاحب کے اسلامی سوشلزم کے جھانسے میں آچکے ہوں ان سے کیا توقع کرنا۔

اب یہ لبرل ہر مہینے کی 16 تاریخ کو موم بتیاں جلانے ایسے جمع ہو جاتے ہیں جیسے اس دن سے پہلے یا اس دن کے بعد تو کوئی دہشت گردی کا واقعہ ہوا ہی نہیں اور پاکستان کے ریاستی اداروں کے حق میں ایسے نعرے لگا رہے ہوتے ہیں جیسے اسامہ بن لادن ایبٹ آباد سے نہیں دلّی سے برآمد ہوا تھا۔ میرے ساتھ بھی عجیب مسئلہ ہے لوگ کچھ بات کر رہے ہوتے ہیں اور میں اسے کسی اور طرف لے جاتا ہوں۔ جب بھی ٹی وی پر چلنے والے نغمہ ’بڑا دشمن بنا پھرتا ہے جو بچوں سے لڑتا ہے‘ کی آواز کانوں سے ٹکراتی ہے تو میرے سامنے بلوچستان کے بچوں کی تصاویر آجاتی ہیں جبکہ مجھے معلوم ہے کہ لبرل رئیسانی کی طرح بیوقوف تھوڑی ہیں کہ جن کے لئے بچہ بچہ ہو۔ یہ اچھی طرح جانتے ہیں کہ پاکستان میں غدار کی سزا صرف موت ہے چاہے وہ شیرخوار کیوں نہ ہو۔

United Against Terrorism والے اگر ان ریاستی اداروں کے حق میں نعرے لگاتے نظر آئیں گے کہ جو بلوچستان اور سندھ میں ملنے والی مسخ شدہ لاشوں کے ذمہ دار ہیں تو مجھ جیسا نابینا تو غلطی سے انہیں United With Terrorism ہی پڑھے گا۔ Never Forget والے اگر ریاست اور اس کے اداروں کا مذہبی دہشت گردی میں کردار Forget کر جائیں گے تو مجھ جیسا عقل کا اندھااسے Always Forget ہی پڑھے گا۔مجھ بیوقوف کو انہوں نے بہت سمجھانے کی کوشش کی کہ فوج اب بدل چکی ہے مگر میں ہوں کہ ایک عرصہ تک مشرف سمجھاتا رہا تب بھی نہیں سمجھا اور آج ہمارے لبرل دوست سمجھا رہے ہیں تب بھی نہیں سمجھ پا رہا ہوں۔1984 میں جب پیدا ہوا تب سے اب تک کراچی کی سڑکوں پر ریاست کا اتنا پیار دیکھ رہا ہوں مگر پھر بھی کبھی اس کی ممتا کو نہیں سمجھ پایا مگر اب جب کہ لبرل بھی اس ممتا کو سمجھ چکے ہیں مجھے بھی سمجھنا چاہئے۔ 

لبرل برادری کو دوش دینا بالکل ٹھیک نہیں کیونکہ فی الوقت پاکستانی قومی تشخص کے پاس مذہب کے سواقوم کے قیام کے لئے کوئی جواز نہیں اور ہمارے لبرل بحرحال اپنے وطن کی محبت کے جذبہ سے سرشار ہیں اور اپنے سبز ہلالی پرچم کو کالا پیلا ہوتا نہیں دیکھ سکتے۔ ایسے میں پیٹ میں ایک آدھ بال تو اگ ہی سکتا ہے۔ ویسے بھی بات پریکٹکل ہونی چاہئے پاکستان کوئی سیکولر ریاست تو بن نہیں سکتی اور نہ ہی اس میں خون بہنا رک سکتا ہے لیکن اگر اتنا بھی ہو جائے کہ ریاست یا وہ جن گروہوں کو اجازت دے ان کے علاوہ کوئی تشدد نہ کر پائے تو کیا یہ کم ہے۔ تو کیا ہوا اگر جماعت الدعواۃ جیسی تنظیموں کو سندھ اور بلوچستان کے دیہی علاقوں میں بسا کر نیشنل ازم سے نمٹا جا رہا ہے کم سے کم کراچی اور لاہور کے لبرل اور کنزیومر کلچر کا دفاع کرنے میں تو ریاست سنجیدہ ہے۔

جیسے پاکستان میں جب بھی شیعوں پر حملہ ہوتا ہے تو ریاست آکر یہ کہتی ہے کہ یہ مسلمانوں کے اتحاد پر حملہ ہے ویسے ہی میری اس تحریر کو دہشت گردی کے خلاف بننے والے اس اتحاد پر حملہ تصور کیا جائے گا جس میں فوج سیاستدان لبرل اور تو اور کچھ ریاستی ملّا بھی شامل ہیں۔ بس فرق یہ ہے کہ اسلامی اتحاد کو توڑنے کے لئے کم سے کم سو ڈیڑھ سو شیعہ ایک وقت میں قتل کرنے پڑتے ہیں مگر ان کا اتحاد ایک تنقیدی تحریر سے بھی ٹوٹ جاتا ہے۔ پچھلے دنوں لبرل برادری کے کچھ چہیتوں کو ایک ہی تان میں دہشتگردی کے خلاف اور فوجی عدالتوں کے حق میں بات کرنے پر ریاستی مسخرہ کہہ دیاتو سارا وقت محترم شخصیات سے اس وقت دہشت گردی کے خلاف اتحاد کی اہمیت پر لیکچر سن سن کر کان تھک گئے۔ لیکن آپ ہی کہئے اگر کوئی دہشت گردی کے خلاف سب سے بڑا بھونپو بھی بنا ہو اور ریاستی دہشت گردی کے لئے بننے والے قانون کی طرفداری بھی کر رہا ہو تواسے ریاستی مسخرہ نہیں تو کیا کہا جائے۔

دراصل میں ایک بیوقوف آدمی ہوں اور بلوچستان اور سندھ میں ہونے والی ریاستی دہشت گردی اور تحریک طالبان پاکستان کی جانب سے ہونے والی دہشت گردی کو الگ الگ نگاہ سے نہیں دیکھ سکتا۔ میں ایک خیالی آدمی ہوں اور پاکستان کے ریاستی اور سماجی ڈھانچہ میں بڑی تبدیلیوں کے بغیر ملا گردی اور انتہاپسندی کے دیو سے نجات ممکن نہیں سمجھتا۔میں زبان دراز ہوں اور جب دہشت گردی میں سعودی فنڈنگ کا تذکرہ کرنے والوں کو پاکستانی ریاستی اداروں کے حق میں نعرے لگاتا دیکھتا ہوں تو طنز کے تیر چلائے بغیر نہیں رہ سکتا۔ میں ایک بے حودہ آدمی ہوں جو محض اس لئے ریاستی پرپیگنڈا کے لئے استعمال ہونے والوں کا احترام نہیں کر سکتا کہ انہوں نے اپنی جان کی پروا نہ کرتے ہوئے ملا عبدالعزیز کے خلاف مہم چلائی۔ میں ایک منہ پھٹ آدمی ہوں اور جو کوئی بھی دہشت گردی کے خلاف بات کرتے ہوئے فوجی عدالتوں کی حمایت کرتا ہے اس کو ریاستی مسخرہ کہے بغیر نہیں رہ سکتا۔

لیکن آپ فکر نہ کریں میں کچھ بھی کہتا رہوں آپ کے پیٹ کی داڑھی کوئی نہیں دیکھ سکتا۔

بلوچ مزاحمت اور اشتراکیوں کا نظریاتی دیوالیہ پن

پاکستان کی صحافی برادری سول سوسائٹی حکومت اور ریاست کے دل میں مزدوروں کے لئے کتنا درد ہے تربت کے واقعے سے پہلے تو مجھے اس کا اندازہ ہی نہیں تھا۔ کچھ دیر کے لئے تو مجھے لگا کہ میں اسلامی جمہوریہ پاکستان میں نہیں بلکہ عوامی جمہوریہ پاکستان میں رہتا ہوں جہاں سب سے مقدم طبقہ مزدوروں کا ہے۔ مگر یہ درد صرف بلوچستان میں ایف سی کے پراجیکٹس کرنے والے مزدوروں کے لئے کیوں جاگتا ہے؟ پی سی ہوٹل کے مزدوروں کی پوری تحریک کے دوران ہم صحافیوں کے آگے ہاتھ جوڑتے رہ گئے مگر مجال ہے جو کوئی اخبار یا چینل اس کا ذکر بھی کرتا۔

واپڈا اور ریلوے کی یونینیں جو کہ پاکستان کی سب سے بڑی یونینیں ہیں نجکاری کے خلاف سراپا احتجاج ہیں۔ لاکھوں مزدوروں کو لے کر یہ کئی بار اسلام آباد پہنچیں مگر میڈیا نے اسے کوئی حیثیت نہ دی جبکہ عمران خان کے چند ہزار کو مستقل کوریج دی گئی۔ ریاست نے بھی بالائی طبقات سے تعلق رکھنے والی PTI کو تو اسمبلی میں تور پھوڑ تک مچانے دی مگر مزدوروں کی ریلیوں کو روزانہ تشدد کا نشانہ بنایا جاتا ہے۔ 1972 میں کراچی کے مزدوروں پر گولیاں برسانے والے بھٹو کو جمہوریت کا سب سے بڑا مجاہد سمجھنے والی ریاست کے دل میں آج اچانک مزدوروں سے اتنی محبت دیکھ کر میری آنکھوں میں تو آنسو آگئے۔ آرمی ویلفیئر ٹرسٹ اگر تمام کسانوں کی زمینوں پر قبضہ کر کے بیٹھ گیا تو کیا ہوابلوچستان میں نشانہ بننے والے مزدوروں کے دکھ میں تو آنسو بہا رہا ہے۔

PTUDC اور پیپلز پارٹی میں بیٹھے مفاد پرست نام نہاد اشتراکی ٹولے نے بھی فوراََبلوچ مزاحمت کاروں کے خلاف احتجاجی مظاہرے کرنے شروع کر دئے۔کوئی ان سے پوچھے کہ صاحب جن کی مسخ شدہ لاشیں روزانہ بلوچستان میں ملتی ہیں کیا وہ مزدور اور کسان نہیں ہیں؟ کیا بلوچستان میں ریاست بے دردی سے جن کو مظالم کا نشانہ بنا رہی ہے وہ سردار جاگیردار اور سرمایہ دارطبقات سے تعلق رکھتے ہیں کہ ان کے خون پر آپ کا خون جوش نہیں مارتا۔یقیناًجواب میں نام نہاد ترقی پسند یہی فرمائیں گے کہ ریاست ان کو مزدور یا کسان کی حیثیت میں نہیں بلکہ بلوچوں کی حیثیت میں نشانہ بناتی ہے۔

گو کہ یہ بات بھی غلط ہے کیونکہ ہمیں ایک طرف ریاستِ پاکستان، بلوچ سردار اور سامراجی کمپنیاں نظر آتی ہیں اور دوسری جانب بلوچستان کے پسے ہوئے طبقات مگر تھوڑی دیر کے لئے اس منطق کو اگر مان لیا جائے تو یہ کون سا اصول ہے کہ جب بلوچ مزدور کسان ریاست کے ہاتھوں مارے جائیں تو ان پر طبقہ کا معاملہ نہ اٹھایا جائے لیکن اگر FWO اور دیگر سامراجی کمپنیوں پر مزاحمت کاروں کے حملہ کے دوران دوسری قوموں کے محنت کش ہلاک ہو جائیں تو انہیں مزدوروں پر حملہ تصور کیا جائے۔

اس ریاست اور اس کے ستونوں کے کھیلوں کا تو مجھے اندازہ ہے مگر افسوس اس بات کا ہے کہ خود کو ترقی پسند اور اشتراکی کہنے والے بھی Balancing جیسے بورژوا لبرل طریقہ کو اپنا کر ان کی حلاکت کا ذمہ دار بلوچ مزاحمت کاروں کو ٹھہرانے لگے ہیں۔ تمام سیاسی کارکنوں صحافیوں اور دانشوروں کو اچھی طرح معلوم ہے کہ بلوچستان اور خاص کر مکران میں ریاست اپنی پوری قوت کے ساتھ آپریشن کر رہی ہے۔یہاں پر جاری تعمیری کام جنگی نوعیت کا ہے جس کا مقصد زمینی فوج کے لئے پکی سڑکیں تیار کرنا ہے تا کہ باآسانی بلوچ مزاحمت کاروں کے ٹھکانوں تک پہنچ کر ان کو نشانہ بنایا جا سکے۔ساری دنیا میں یہ کام فوج خود کرتی ہے کیونکہ یہ ایک جنگی عمل ہے مگر پاکستانی فوج ہمیشہ سے اپنے گناہوں کے لئے پسے ہوئے طبقات کو استعمال کرتی رہی ہے۔

 

ٹھیک اس ہی طرح جیسے پختونخواہ کے قبائلی لشکروں کواسلحہ تھما کر کشمیر اور افغانستان میں اپنے ناپاک عزائم کی تکمیل کی بھینٹ چڑھایا گیاآج مزدوروں کے بیوقوف بنا کر FWO جیسی کمپنیوں کے تحت بلا کر جنگی کاموں میں استعمال کیا جا رہا ہے۔ فوج کو اچھی طرح علم ہے کہ ان سڑکوں کے کاموں کو روکنے کے لئے مزاحمت کار لازمی sites پر موجود کیمپوں پر حملہ کریں گے اور اگر یہ کام فوج خود انجام دیتی ہے تو ان کو خطرات جھیلنے پڑیں گے۔لہٰذااس بزدل فوج نے اپنی ہی تعمیراتی کمپنیوں کے ذریعے پسے ہوئے طبقات کو تعمیری کام کے نام پر بلا کر اس جنگ کی بھینٹ چڑھا دیا۔

یہ طریقہ کار ایسا ہے کہ جس سے ہر صورت کامیابی فوج کے ہی حصہ میں آتی ہے کیونکہ مزاحمت کار اگر کیمپوں پر حملہ نہیں کرتے ہیں تو باآسانی پکی سڑکیں تیار ہو جائیں گی جن کے ذریعے مزاحمت کاروں کو نشانہ بنانا آسان ہو گا اور اگر حملہ کرتے ہیں تو لازمی اس میں بے گناہ مزدوروں کا خون بہے گا جس سے مزاحمت کاروں کو پوری دنیا کے سامنے دہشت گرد بنا کر پیش کیا جا سکتا ہے۔ تربت میں FWO کے کیمپ پر حملہ سے مظلوم بلوچ قوم اور دیگر علاقوں کے مظلوم طبقات کے درمیان جو تعلقات بننا شروع ہوئے تھے اس کو بڑا دھجکہ لگا ہے مگر اس میں سب سے بڑی ناکامی ان تنظیموں کی ہے جو سرمایہ دارانہ نظام اور سامراج کے خلاف جدوجہد کرنا چاہتی ہیں۔

اشتراکی پارٹیاں فوراََ یہ ثابت کرنے کہ وہ کتنی غیرجانبدار ہیں ’’ظلم چاہے کوئی بھی کرے ظلم ہے‘‘ کے نعرے کے ساتھ حب الوطن پاکستانیوں میں اپنی ساخت بہتر بنانے کی کوشش میں لگ گئیں۔ آج سمجھ آیا کہ آخرکیوں مشرقی پاکستان میں جاری مظالم کے دوران یہاں کے اشتراکی پاکستانی فوج کے ساتھ ساتھ مکتی باہنی کو خونریزی کا برابر ذمہ دار ٹھہراتے تھے۔ پاکستان کے زیادہ تر انقلابی حالیہ یورپی سوشلسٹ ماڈلوں سے بہت متاثر ہیں جہاں ریاست کے لئے تشدد کرنا آسان نہیں ہوتا اور اس ہی لئے مزاحمت کاروں کے لئے جمہوری مزاحمت کرنے کے راستے کھلے ہوتے ہیں۔ مگر تیسری دنیا میں ریاست اور سامراج دونوں ہی بے تحاشہ تشدد کا سہارا لیتے ہیں اور یہاں مغرب کے مہذب اصولوں کے ذریعے مزاحمت صرف سوشل میڈیا پر ہی انقلاب و آزادی سجتی دیکھ سکتی ہے۔

بلوچ قوم پرست بیک وقت کتنے محازوں پر لڑ رہے ہیں اس کا اندازہ اسلام آباد میں بیٹھے انقلابی محض ماما قدیر کی لانگ مارچ میں چند قدم چل کر اور چند بلوچ دانشوروں کی کتابیں پڑھ کر نہیں لگا سکتے۔ بلوچ قوم ابھی تک اپنے ابتدائی مراحل طے کر رہی ہے جہاں آج جا کر انہوں نے اپنے آپ کو اپنے قبائلی ناموں کی جگہ صرف بلوچ کہنا شروع کیا ہے۔ لیکن اس وقت بھی پاکستانی ریاست کی مدد سے سردار ان کے اوپر قابض ہیں اورقبائلی نظام کی دیواریں قوم پرستوں نے ہلا ضرور دی ہیں مگر عمارت ابھی گری نہیں ہے۔ ایک چھوٹی سی قوم سرداروں سامراجی کمپنیوں اور پاکستان، ایران، چین و امریکہ جیسی قوتوں کے عزائم سے لڑ رہی ہے۔ ایسے حالات میں ان سے جمہوری اصولوں کا تقاضا کرنا تو ان کو ظالم کے آگے ہتھیار ڈالنے کی تجویز دینے کے مترادف ہو گا۔

سوال تو یہ ہے کہ آخر بلوچوں کو ہتھیار اٹھانے کی ضرورت ہی کیوں پیش آئی کیونکہ یہ حقیقت ہے کہ جہاں جمہوری جدوجہد کے راستے کھلے ہوتے ہیں وہاں مزاحمت کبھی ہتھیار نہیں اٹھاتی۔ جب ریاست دھونس دھمکی اور تشدد کے زور پر سامراجی پراجیکٹس کے ذریعے بلوچوں کو ان ہی کی زمین سے بے دخل کر ے گی اور جمہوری جدوجہد کے تمام راستے روک دے گی۔ بلوچوں کی وہ تمام آوازیں جو دنیا تک وہاں کی روداد پہنچا رہی ہوں انکا گلا گھونٹ دے گی۔ UN سمیت قومی اور بین الاقوامی میڈیا کو وہاں جانے کی اجازت نہ دے گی اور ہر جلسہ جلوس اور تحریک کا جواب وہاں کے نوجوانوں کو غائب کرنے کی صورت میں دے گی تو ان کے پاس بھی اپنے حقوق کے لئے سواء اسلحہ اٹھانے کے کیا راستہ رہ جاتا ہے؟

اگر اشتراکی نظریاتی دیوالیہ پن کا شکار نہیں ہوتے تو وہ اس وقت یہ بات کرتے کہ ریاست مظلوم کو مظلوم سے لڑا رہی ہے لیکن اس کو سمجھنے کے لئے میڈیا رپورٹس سے آگے نکل کر زمینی حقائق پر نظر ڈالنی پڑتی۔۔۔ اس ترددِ بیجا میں کون پڑے۔ کسی نے FWOکے کارناموں پر نظر ڈالنے کی زحمت نہیں کی کہ جس کے کیمپ پر حملہ ہوا تھااور جیسے ہی حملہ ہوا بیانات داغنے شروع کر دئے۔ نہ کوئی یہ سوال کرتا نظر آتا ہے کہ جہاں پر ہر میڈیا کے ادارے اور ہر سماجی اور انسانی حقوق کی تنظیم کو سیکیورٹی رسک کے بہانے جانے کی اجازت نہیں دی جاتی وہاں بے چارے مزدور طبقے کو اپنے مفادات کی بھینٹ چڑھانے کیوں لے کر گئے۔

مزدوروں کے قتل پر افسوس ہونا چاہئے مگر ساتھ ساتھ یہ بتا نا بھی لازمی ہے کہ ان حملوں کا نشانہ مزدور نہیں تھے بلکہ FWO کے جنگی عزائم تھے اور بیچارے مزدوروں کو ریاست نے پیادوں کی طرح اپنی شطرنج بنانے کے لئے استعمال کر لیا۔ میں بھی بلوچ مزاحمت کاروں سے اپیل کرتا ہوں کہ وہ کوشش کریں کہ ریاست سے جنگ کے دوران ان مظلوم طبقات کو نشانہ بننے سے بچانے کی ہر ممکن کوشش کریں لیکن دوسری طرف مزدوروں سے بھی اپیل کرتا ہوں کہ وہ سامراجی سازشوں کا پیادہ نہ بنیں اور بلوچستان کی ان کمپنیوں سے دور رہیں جو مظلوم قوموں کا ہی نہیں ان کا بھی استحصال کر رہی ہیں۔مجھے معلوم ہے کہ یہ دونوں کام مشکل ہیں مگر مظلوم طبقات اور مظلوم قوموں میں اتفاق دونوں کی جدوجہد کو مزید مظبوط بنا سکتا ہے اور اشتراکیوں کا فرض یہی ہے کہ ان کو ملانے کی کوشش کریں۔

 

پاکستان کے اشتراکی چونکہ ایک عرصہ تک واقعتا سامراج یا ریاست کے خلاف کسی منظم جدوجہد کا حصہ نہیں رہے اس لئے بورژوا لبرل اصولوں پاکستانی میڈیا اور کتابی باتوں کے ذریعے بھرپور انداز میں اس پورے واقعے کی تشریح فرما رہے ہیں اور زمین پر موجود مزاحمت کاروں کو ایسے مشورے دے رہے ہیں جیسے پہلی دنیا کے لوگ تیسری دنیا والوں کو اور شہری آبادی کے لوگ دیہی آبادی کو دیتے ہیں۔مگر وہ یہ بھول جاتے ہیں کہ سکون سے اپنے گھروں پر بیٹھ کر کتابی باتیں کرنا بہت آسان ہے لیکن جب ریاست آپ کو مٹانے کے درپے ہو تو بہت سے کتابی اصول بے وزن ہو جاتے ہیں۔

میری خواہش یہی ہے کہ ایسے واقعات نہ ہوں لیکن میں اس کے نتیجہ میں ریاست اور مزاحمت کاروں کو ایک صف میں نہیں کھڑا کر سکتا اور اپنے تجزیوں کو اس حد سے آگے نہیں لے جاسکتا کہ جہاں سے آگے صرف وہی دیکھ سکتا ہو جو اس جگہ کھڑا ہو۔ ہاں میں اتنا ضرور جانتا ہوں کہ ریاست چاہتی ہے کہ مظلوم طبقات کو مظلوم قوموں سے لڑوا دیا جائے اور ترقی پسندبھی اس سازش کو ناکام بنانے کے بجائے اس کو تقویت دے رہے ہیں۔ہم اشتراکیوں کا یہ فرض ہے کہ مزدوروں کو آگاہ کریں کہ بلوچ مزاحمت کاروں اور ان کا دشمن ایک ہی ہے اور غیر شعوری طور پر اس دشمن کا پیادہ بننے سے بچائیں۔

مگر اشتراکیوں کے نظریاتی دیوالیہ پن کا کیا کیجئے!